Nakalasat ti maysa a menor de edad kalpasan a nalmes iti kabaybayan idiay Barangay Sabangan, Santiago, Ilocos Sur idi May 17, 2026.
Iti pannaki-uman ti Bombo Radyo Vigan ken ni PCMS Oscar Socias Jr. a MESPO iti Santiago Municipal Police Station, ti biktima ket ni alyas “Ediyang”, babai, agtawen iti sangapulo ket lma a taga-Malabon, Manila.
Segun ken ni Socias, kinuna ti kadua ti biktima a napan naglangoy ti menor de edad ket natalekda ta nakaiggem iti salbabida ngem idi kitaendan kalpasan iti sumagmamano a minutos ket awan metten isu a patienda a naibbatanna iti salbabida a rason iti pannakalmesna.
Insigidada a sinapul ti biktima iti paset a naudi a nakita a nagdigosanna ket naalawda met isu a naipaayan iti first aid ken naipan iti ospital a gappuanan iti pannakalasatna.
Kinuna ni Socias nga iti agdama ket natalged metten ti kasasaad ti biktima kalpasan iti nasao nga insidente.
