VIGAN CITY- Inaklon ni Isabela Congressman Rodito Albano nga isuna ti nangpaiddep ti sound system idi nabotosan ni Pampanga Representative Gloria Macapagal Arroyo sakbay ti State of the Nation Address ni P:residente Rodrigo Duterte idi Lunes.
Ti ekslusibo a pannaki-uman ti Bombo Radyo Vigan ken ni Congressman Albano, inlawlawag na a saan a mabalin nga usaren ti microphone nu awan ti sesyon isu nga inpa-iddep na uray nu agsasao pay laeng idi ni Camarines Sur Rep. Rolando Andaya.
Pinaglibakan ti agpanpanday-linteg a binastos na ni Arroyo ta dakkel iti utang na a naimbag a nakem kenkuana ket kayat na laeng a masurot iti allagaden idiay Kamara.
Inaklon na a saan a naipakaammo kadakuada a sukatan da ni Davao del Norte Representative Pantaleon Alvarez isu a nasdaaw idi nabotosanen iti dati a presidente kas House Speaker sakbay ti SONA ngem, ingunam-gunam na a saanen a rumbeng a kuwestyunaran iti pannakapili ti dati a presidente ta iggem nan ti mayorya iti miyembro ti Kamara.
