--Ads--
Nakemmeg ti maysa a babai idiay Ninoy Aquino International Airport (NAIA) Terminal 1 gapu iti mapapati a panagilakona ti anakna kas mail-order bride ti maysa a lalaki manipod China.
Segun ti Bureau of Immigration (BI), napasamak iti insidente idi May 13, ket agturong koma idiay China dagiti agina.
Nagdudua dagiti otoridad idi natakuatanda a peke ti marriage certificate a naipakita ngem inamin ti anak a napilit laeng a nakikasar kasukat iti P5,000.
Pinasingkedan ni BI Commissioner Joel Anthony Viado a saanda a palubosan dagiti Pilipino kangrunaan dagiti babbai a maidadanes ket ti nasao a pasamak ket saan laeng nga illegal nu diketdi saan a makatao.
-- ADVERTISEMENT --
