--Ads--
Inton October 23 ti imbestigasyon iti Senado inaig kadagiti kaso a sexual abuse ken human trafficking ni Pastor Apollo Quiboloy kadagiti miembro ti Kingdom of Jesus Christ.
Segun ken ni Senate Committee on Women, Children, Family Relations and Gender Equality Chairperson Risa Hontiveros, immabot iti nasurok kagudua a tawen sakbay a naituloy ti komite ti imbestigasyon dagiti kaso a panagabuso iti KOJC kalpasan a naglemmeg iti mano a bulan ni Quiboloy.
Kinunana nga agsurat ti komite iti korte tapno agpakada iti idadar-ay ni Quiboloy iti panagdenggeg ti Senado.
Manamnama a sumango iti panagdenggeg dagiti dadduma a resource person a biktima ni Quiboloy ken adda pay dagiti baro a testigo a dumar-ay.
-- ADVERTISEMENT --
