Target ti Senate Blue Ribbon Committee nga agipatulod ti baro nga imbitasyon kadagiti mapapati a karaman nga agpampanday linteg iti imbestigasyon iti maanomalia a flood control projects.
Dayta ket kagiddan ti panangsigurado ni Blue Ribbon Committee chair ken Senate Pres. Pro Tempore Panfilo “Ping” Lacson nga agtultuloy iti imbestigasyonda.
Karaman dagiti agpampanday linteg a target a maimbitaran ket ni dati a House Speaker Martin Romualdez a namindua a daras nga inimbitaran ti komite.
Impaganetget ni Lacson a saan a mabalin a pwersaen dagiti miembro ti Kamara de Representantes a dumar-ay kadagiti panagdenggeg iti Senado gapu iti “inter-parliamentary courtesy”, maysa a tradisyon wenno unwritten rule iti Kongreso iti Pilipinas a resrespetoen ti Senado ken Kongreso ti operasyon, internal affairs ken miembro iti tunggal maysa.
