--Ads--
VIGAN CITY- Agtultuloy iti imbestigasyon dagiti pannakabagi ti linteg iti pakabigbigan iti bangkay a nasarakan nga awan ulo na ken agruprupsa iti irigasyon idiay Barangay Malingeb, Bantay, Ilocos Sur.
Maipalagip nga idi naminsan nga aldaw, alas otso iti rabii idi nakita ni Louie Remocal, agtawen iti dua pulo ket tallo, maysa a mannalon ken residente iti nasao a lugar iti bangkay a tumtumpaw iti irigasyon.
Alas onse iti rabii idi inpakaammo na iti nakita na kadagiti otoridad agsipud ta inpagarup na nga ayup laeng a naiyanud.
Insigida a nagresponde dagiti pannakabagi ti linteg iti lugar ket malaksid nga agruprupsan ken awan ulo na ket saan payen a mabigbig nu ti bangkay ket lalaki wennu babai.
-- ADVERTISEMENT --
