Impaganetget ni Pres. Ferdinand Marcos Jr. nga adda napintas a rekord iti Pilipinas iti United Nations iti baet dagiti isyu iti korapsyon ken posible nga epekto iti krisis iti langis iti ekonomia.
No pay kasta ket saanna a direkta a sinungbatan no kasano nga iduron ti imahe iti Pilipinas iti international community kadagiti sumarsaruno a tawen.
Ngem pinasingkedan ti presidente ti nabayagen a pannakitinnulong iti pagilian iti United Nations.
Segun ken ni Marcos, nabayagen nga agpipatpatulod ti peacekeeping forces ken agtigtignay no adda pagkasapulan iti organisasyon kadagiti world mission.
Patienna nga adda natibker a pagbasaran ti napintas a reputasyon iti Pilipinas iti organisasyon kangrunaan iti panagkiddaw iti gobierno iti suportar para iti kandidatura iti pagilian kas non-permanent member iti UN Security Council.
