Maka-angkaten iti Pilipinas ti Belgian poultry kasaruno iti panangikkat ti Department of Agriculture (DA) ti temporary ban-da kalpasan a nakaidatag ti umdas iti panagannad dagiti pagilian idiay Europa kontra High Pathogenicity Avian Influenza.
Iti Department Circular No. 25 iti DA, pormal a binigbigda ti regionalization protocols iti Belgium para iti bird flu idinto a karaman met kadagiti mabalin nga angkaten ti domestic ken wild birds, karne iti manok, day-old chicks, itlog, ken semilya manipod bilaterally-recognized free zones.
Gapu dayta ket nalawlawa ti option ti departamento tapno mapatibker ti lokal a supply iti poultry ken seguridad iti taraon iti pagilian.
Maipalagip a naipatungpal iti temporaryo a pannaka-ban ti importasyon ti poultry products manipod idiay Belgium idi napalabas a tawen tapno maliklikan iti manamnama a pannakaiwaras iti avian influenza.
