Manarimaan ti panagsagana iti Philippine Government para ti humanitarian assisrance idiay Myanmar kalpasan ti magnitude 7.7 a ginggined a nangapektar iti nasao a pagilian a gappuanan ti nakaru a pannakadadael dagiti pasdek ken nakatayan iti nasurok sangaribo a tattao.
Segun ken ni Defense Secretary ken National Disaster Risk Reduction and Management Council Chairman Gilberto Teodoro, makikammayet iti gobierno iti pagilian ti Philippine response babaen ti assistance package a manamnama a madeploy inton April 1.
Ti pokus iti nasao nga addang ket siguradoen ti insigida a supporter kadagiti naapektaran nga umili idiay Myanmar.
Maipalagip a natamaan idiay Myanmar iti nakaru a ginggined idi March 28 a nakariknaan pay idiay China ken Thailand.
Nairekord met idiay Thailand iti innem a natay ken uppat a pulo ket pito a mapukpukaw gapu ti nasao a ginggined.
