Nagyaman ti House Prosecution Panel ta addan iti intuding nga aldaw ti Senate Impeachment Court para iti impeachment trial kontra ken ni Vice Pres. Sara Duterte.
Dayta iti mensahe ni Bicol Saro Party-list Rep. Terry Ridon a miembro iti House Prosecution Team kalpasan nga impakaammo ni Senator Erwin Tulfo a maibasar iti natratar iti caucus ket inton July 6 a mangrugi iti trial ken ni VP Sara.
Gapu dayta ket sinigurado ni Ridon a nakasagana ti House prosecution panel nga agpresentar iti ebidensya kadagiti naituding nga aldaw iti impeachment trial.
Kinuna met ni House Trial Spokesperson Rep. Zia Alonto Adiong, awan pay iti pormal a pakaammo a naawatda manipod Impeachment Court maipanggep ti schedule dagiti proseso maipanggep iti impeachment trial.
Sinigurado met ni Adiong a nakasagana ti 11-member prosecution panel aniaman iti schedule nga idatag iti Impeachment Court.
