VIGAN CITY – Agtultuloy ti road clearing operation dagiti pannakabagi ti linteg tapno naannayas ti pagdalanan dagiti lugan nangruna dagiti traysikel kadagiti kangunaan a kalsada iti Ilocos Sur.
Iti pannaki-uman ti Bombo Radyo Vigan ken ni PMaj. Jordan Sambo a Provincial Head ti Highway Patrol Group – Ilocos Sur, naisayangkat ti panagticket-da kadagiti napanawan a nakaparking ti outerlane a kangrunaan a pagnaan dagiti traysikel.
Segun kenkuana, saan met nga amin a lugan a nakaparking iti igid ti kalsada ket naglabsing ti linteg ta adda dagiti agibaba wenno nadadaelan isu a kiddawna kadagiti umili nga awaten ti sitwasyon.
Kiddawna ti kanayon a panangsurot ti linteg, saan laeng a ti panagparking ta uray panagaramat ti blinkers ken sirens ket masapul a liklikan nangruna nu saan nga otorisado nga agusar.
VIDEO – PMAJ JORDAN SAMBO
