Inlawlawag ti Social Security System Vigan Branch dagiti sumagmamano a problema sakbay a maituloy ti pannaka-proseso iti lump sum benefit ni Remigio Tactay, kasaruno ti reklamona a saanna pay a naawat ti benepisio.
Iti pannakiuman ti Bombo Radyo Vigan ken ni Cecile Sally, branch head ti SSS Vigan, naammuan nga adu ti SSS number ni Tactay, rason tapno kanselaren dagiti duplicate number tapno mapagtalinaed ti maymaysa nga SSS number.
Segun ken ni Sally, masapul pay a pagtitiponen wenno i-consolidate dagiti kontribusion a naitinnag iti dua wenno tallo nga SSS number sakbay a maituloy ti panag-proseso ti claim-na.
Maysa pay kadagiti masapul a malawlawagan ti employment history ni Tactay kalpasan a maipagarup a naaddaan ti apela ti maysa nga employer a makitkita a saan met isuna a nagbalin a paset ti trabahona.
Gapu daytoy, masimpa ken malawlawagan pay nga umuna dagiti rekord ken impormasion ni Tactay sakbay a maituloy ti panangi-proseso ti lump sum benefit na.
