--Ads--
Mangirusat ti Social Security System (SSS) ti Energy Sustainability Loan Program inton 2027 a mangted kadagiti kuwalipikado a miembro ti financing para iti panag-install ti residential solar energy systems.
Pinasingkedan ni SSS President ken CEO Robert Joseph de Claro a maad-adal ti loan package nga umabot iti ₱200,000 agingga ₱400,000, a mabalin a mabayadan iti uneg ti uppat agingga pito a tawen.
Target ti ahensia a malpas ti guidelines ti programa sakbay a malpas ti 2026 ken mairusat daytoy iti umuna wenno maikadua a quarter ti 2027.
Nasurok-kumurang P40 bilyon ti plano a mailatang a pension fund para iti programa.
-- ADVERTISEMENT --
