--Ads--
Inruar ti Social Security System (SSS) ti P63.74-B a death benefits manipud Enero agingga iti Setiembre 2026, immadu iti 10.4 a porsiento manipud iti P57.74 billion iti isu met laeng a periodo itay napan a tawen.
Segun ti SSS, dimmanon iti 1.4 milion dagiti benepisiario iti death benefit, 89.8 a porsiento kadagitoy ti nakalasat nga assawa wenno death pensioner.
Binigbig ti SSS ti panagngato ti benepisio iti nasapa a pannakaipatungpal ti maikadua a paset ti Pension Reform Program idi Hunio, a nangnayon iti lima a porsiento iti binulan a pension dagiti nakalasat.
Immadu met ti benepisio ti pumpon iti lima a porsiento agingga iti P3.25-B iti umuna a siam a bulan ti tawen a tulong kadagiti pamilia a napukawan iti ay-ayaten.
-- ADVERTISEMENT --
