Sto Domingo, overall champion iti One Ilocos Sur intertown basketball tournament season 3

Balligi a nagleppas ti One Ilocos Sur Intertown Basketball Tournament Season 3 no sadino nagun-od ti ili ti Sto. Domingo ti overall champion.

Naala met ti siudad ti Candon ti 2^nd place, sinarono ti ili ti Sta Cruz nga isuda ti 3^rd place kabayatan a 4^th place ti ili ti Nagbukel.

Karaman iti mythical five da Thyrone Barcena TI Nagbukel, John Lloyd Soliven TI Sta. Cruz, Denver Zagado TI Candon City, TJ Tabbuan ken Cris Tagorda ti Sto. Domingo.

Kalaksidan iti panagbalin a mythical five, napadayawan ni TJ Tabbuan ti Sto. Domingo kas Season Most Valuable Player idinto a Coach of the Year ni Mark Figueras ti ili ti Sto. Domingo.

Nagyaman ti provincial government of Ilocos Sur kadagiti amin a nakipaset iti torneo, kadagiti nangiparungna ti kintalged ken seguridad, kasta payen ti panagtitinnulong ti amin nga opisial.