Patien ni House Assistant Majority Leader ken Ako Bicol Party-list Rep. Jil Bongalon a nakasagana ti House Quad Committee nga ipasa iti International Criminal Court wenno ICC dagiti dokumento mainaig iti imbestigasyonda ti Extra Judicial Killings iti salinong ti war on drugs iti Duterte Administration.
Segun ken ni Bongalin, dayta ket nu kas bilang ipasubpoena iti ICC ti resulta ti diskusyon, deliberasyon ken testimonya dagiti panagdenggeg ti Quad Committee.
Ti addang ket mainaig ti proceedings ti ICC ken ni dati a President Rodrigo Duterte a sumangsango ti crimes against humanity gapu iti rinibo a natay bayat ti drug war-na.
Posible a malawagan ti ICC judge iti isyu ti drug war ni dati a President Duterte ken makakalap iti nayon a natibker nga ebidensya manipod iti imbestigasyon ti Quad Committee.
