--Ads--
Lineppasen ti House prosecution panel ti panangipresentar da ti ebidensia mainaig ti maipagarup a panagpangta ni Vice President Sara Duterte iti First Family.
Pormal a lineppas ni lead prosecutor ken Batangas Representative Gerville Luistro ti testimonia ti maudi a testigo ti prosekusyon a ni National Bureau of Investigation Atty. Melvin Matibag.
Daytoy ket kalpasan nga impakaammo ti Senate impeachment court a saan dan nga agisayangkat ti redirect examination.
Ni Matibag ti maikatlo ken maudi a testigo ti prosekusyon para iti Article IV ti articles of impeachment, mainaig ti statement ni VP Sara iti maysa nga online press conference idi Nobiembre 23, 2024.
-- ADVERTISEMENT --
