Inkeddeng ti House Committee on Justice a saan a luktan ti selyado a karton manipod Bureau of Internal Revenue (BIR) a naglaon iti income tax returns ni Vice President Sara Duterte ken misterna a ni Atty. Manases Carpio.
Tallopulo ket walo a kongresista a miembro ti komite iti kimmontra a lukatan ti box, innem iti kayatna a malukatan ken awan iti nag-abstain.
Sakbay iti panagbibinnotos ket imbingay dagiti committee members iti agduduma a posisyonda maipanggep ti nasao a banag.
Impaganetget da Representatives Leila De Lima, Lorenz Defensor, Jude Acidre Antonio Tinio, Sara Jane Elago ken Renee Co a malukatan ti box tapno maipakaammo dagiti impormasyon wenno ebidensya nga adda pakainaigan dagiti alegasyon a nakaipauneg iti impeachment complaint kontra ken ni VP Sara.
Ti panaglukat ti karton ket kasaruno ti mandato iti Kamara nga ipakaammo iti kinapudno.
Saan met nga immanugot a maluktan ti karton da Representatives Benny Abante, Joel Chua, Janette Garin, David Pascual, Brian Poe, Ann Matibag, Jay Jay Suarez, Janice Degamo, Lordan Suan ken Chel Diokno.
