Impaganetget ni House Prosecution Bicol Saro Party-list Rep. Terry Ridon a saan nga iggem ni Pres. Ferdinand Marcos Jr. ti impeachment trial ni Vice President Sara Duterte.
Inlawlawag ni Ridon a mistrial duty laeng ti panagprubar ni Pres. Marcos a mai-release iti Senate Impeachment Court ti tax records ni VP Sara ken mister-na a ni Atty. Manases Carpio.
Segun ken ni Ridon, saan laeng ken ni VP Sara no diketdi uray siasino nga impeachable official ket aramiden ti presidente iti nasao nga addang.
Impaganetgetna a husto laeng ti panangpalubos ti presidente nga i-release ti Bureau of Internal Revenue dagiti nasao a dokumento ta makatulong dayta iti panangiduron iti hustisia.
Ti bank ken tax records ni VP Sara ken misterna ket sinupoena ti Senate Impeachment Court kasaruno ti request ti prosecution para iti maikadua nga article of impeachment a nakaipaunegan iti alegasyon iti saan a maipalawag a baknang ni VP Sara a saan a naideklarar iti Statement of Assets, Liabilities and Networth wenno SALN-na.
