Kinondenar ni Armed Forces of the Philippines (AFP) chief General Romeo Brawner Jr. ti panawagan a military coup kontra iti administrasion ni Marcos, ta para kaniana ket nasaysayaat a tamingen dagiti parikut ti pagilian babaen ti democratic process.
Iti joint briefing iti Philippine National Police (PNP) ken Commission on Elections (Comelec), kinuna ni Brawner a ti military takeover ket saan a solusion kadagiti isyu ti political issues.
Impaganetgetna ti kinapateg ti masungad nga eleksion iti Mayo kas plataporma a pangiyebkas dagiti umili kadagiti pakaseknanda babaen ti panagbutosda kadagiti competent leader.
Impasiguradona nga iti AFP ket nakakumit iti nawaya, natalged, ken natalna nga eleksion.
Kabayatanna, inlawlawag met ni AFP spokesperson Colonel Xerxes Trinidad a ti background checks ti militar kadagiti kandidato ket nairanta a tumulong iti Comelec a mangtaginayon iti electoral integrity ken national security, ken impaganetgetna ti non-partisan role ken commitment ti AFP iti democratic process.
