VIGAN CITY – Umaboten ti 591 milyon a pisos ti damage assessment manipod kadagiti pribado a pasdek ken pagtaengan nga imbati ti magnitude 7 a gingined ditoy probinsya.
Iti pannaki-uman ti Bombo Radyo Vigan kenni Gov. Jerry Singson, saan pay a karaman iti nasao a damage assessment dagiti ancestral houses ken simbaan a nakaro a naapektaran ti gingined.
Kitkitaenen ti gobierno probinsya no kasanuda a matulungan dagiti tattao a maibangon manen ti pagtaengan dagiti umili a naapektaran.
Kalaksidan kadagiti pasdek a nadadael nairekord pay ti 9.9 milyon a pisos a damages iti sektor iti agrikultura.
Manamnama kadagiti sumaruno nga aldaw a ngumato pay dagiti nasao a gatad ti nadadael ditoy probinsya ta iururay da dagiti dadduma pay a report kadagiti LGU.
