Nangipila ti gakat ni Leyte Representative Ferdinand Martin Romualdez tapno maikkatan ti bilang dagiti matmatay iti cancer ti pagilian babaen dagiti programa iti nasapa a detection.
Iti salinong ti House Bil No 7942 wenno ti Cancer Risk Screening and Awareness Act, gagem ti Romualdez ken ni Tingog Party-list Rep. Jude Acidre nga aramiden nga institutional ti libre nga screening kadagiti barangay.
Umuna a tutukan ti programa ti breast, cervical, colorectal, ken prostate cancer.
Pinasingkedan ni Romualdez a basar ti Philippine Statistics Authority, maysa ti cancer kadagiti kangrunaan a rason ti pannakatay iti Pilipinas gapu iti late diagnosis.
Segun ti agpampanday linteg, ti nasapa a pannaka-ammo iti sakit ken saan laeng a mangisalakan ti biag ngem mangpababa pay ti gastos iti panagpa-agas a kadawyan a mangparparigat kadagiti pamilia.
