Inaprubaran ti House of Representatives iti maikatlo ken maudi a pannakaibasa ti House Bill No. 11376 wenno gakat a P200 increase iti inaldaw a sueldo ti minimum wage earners iti pribado a sektor.
171 a kongresista iti nagbotos a pabor iti gakat idinto a maysa iti kimmontra.
Sakup ti gakat dagiti amin a mangmangged iti pribado a sektor, aniaman ti employment status-da, karamanen iti contractual ken sub contractual arrangement, adda man ti sektor iti agrikultura wenno awan.
Numan pay agbalin a linteg ket posible a mangipatungpal ti wage increase ti Regional Tripartite Wages and Productivity Boards.
Adda pay dagiti insentibo a mabalin nga ited ti Department of Labor and Employment (DOLE) para kadagiti babassit a negosyo a mabalin a maapektaran ti wage hike.
Nainget a maiparit iti gakat ti panangikkat wenno panangkissay kadagiti maipapaay a benepisyo iti salinong iti maipatpatungpal a linteg, bilin ti Presidente wenno Malakanyang ken dagiti kontrata iti nagbaetan dagiti mangmangged ken employer.
