Naipila ti maysa a Senate bill a ti gagemna ket iraman ti internet safety education iti elementarya ken high school curriculum tapno salwadan dagiti ubbing manipud iti risgo ti online.
Impila ni Senate President Pro Tempore Jinggoy Estrada ti Senate Bill 1934 wenno ti Internet Safety Education Act tapno masurwan dagiti ubbing kadagiti pangta nga ipaay ti virtual world.
Bnigbig ni Estrada ti awag idi 2017 ti United Nations International Children’s Emergency Fund manipud global community tapno makabukel iti nataltalged a digital world para kadagiti ubbing.
Maibasar iti rekord, siam manipud kadagiti sangapulo nga ubbing ti vulnerable iti online sexual abuse wenno bullying.
Iti salinong ti gakat, idaulwan ti Department of Education ti panangipatungpal iti Internet Safety Education Program.
Dagiti programa ket pakairamanan ti educational technology, multimedia tools, interactive applications, online resources, ken lesson plans; professional training para kadagiti mangisursuro, administrator, ken school staff iti internet safety ken new media literacy; ken peer-driven internet safety education initiatives.
