--Ads--
VIGAN CITY- Ipila ni Congressman Ronald Singson ti gakat a mangpapintas ken mangpadur-as ti Ecozone iti probinsia kangrunaan iti paset iti ili ti San Juan ken Cabugao.
Iti pannakiuman ti Bombo Radyo Vigan kenni Congressman Singson, dakkel a tulong ti gagem na tapno makaguyod kadagiti investors.
Nakailanad iti programa na a dagiti mapan aglako ket saanen nga agbayad dagiti tax income ken dadduma pay ta ti laengen mabayadan ket ti Final income tax ti Gross sales a lima a porsiento.
Kabayatanna, inpanamnama met ti Congressman nga ad-ado ti pondo a maipaay iti probinsia para iti panangiyemplementar kadagiti programa a pagsayaatan ti Ilocos Sur
-- ADVERTISEMENT --
