Nagyaman ti kabarbaro a Department of Finance (DOF) Chief a ni Frederick Go ken ni President Ferdinand Marcos Jr. gapu iti agtultuloy a talek ken kumpiyansa nga ipapaayna kenkuana.
Segun ken ni Go, awatenna ti trabaho nga adda nauneg a rikna iti responsibilidad.
Kinunana nga ammona dagiti karit ken oportunidad a kadua ti baro a trabaho isu a sibubukel iti dedikasyonna a mangpapigsa ti fiscal a kabaelan iti pagilian ken iduron ti natibker ken napaut a panagregta iti ekonomia.
Namnamaenna a makatrabahona dagiti partner iti gobierno, private sector ken international community tapno magun-od iti nasaysayaat a masakbayan para kadagiti Pilipino.
Ti pannakadutok ni Go a Finance chief ket kalpasan a nadutokan ni Finance Secretary Ralph Recto a baro nga executive secretary kalpasan a nagikkat ni Lucas Bersamin.
