Saan nga umanamong ni dati a Senador Leila De Lima iti desision ti House panel a mangiyakar iti detained a ni OVP Chief of Staff Zuleika Lopez iti womens prison.
Patienna a rumbeng a maibalud ni Lopez iti detention facility, saan a correctional facility, ta saan pay a nasentensiaan iti aniaman a krimen.
Binabalaw pay ni De Lima ti desision ti panel a mangiyakar ken ni Lopez iti pribado nga ospital, gapu ta para kaniana ket umdasen dagiti ospital ti gobierno para kadagiti adda iti kustodia.
Patienna a ti desision ti panel a mangiyakar ken ni Lopez ket naimpluensiaan iti aramid ni Bise Presidente Sara Duterte, a bimmallaet ken nangideklara iti bagina nga abogado ni Lopez.
Pagduaduaan met ni De Lima ti ibagbaga ni Lopez nga agbuteng para iti biagna.
Kabayatanna, agtultuloy latta ti imbestigasion ti House panel iti mapapati a saan nga usto a panangusar ti OVP ken DepEd iti confidential funds, ken agtultuloy ti panangkuestionda ken ni Lopez iti laksid ti plano a panag-resign.
