Inlibak ni dati a Presidente Rodrigo Duterte ti alegasyon ni Retired Police Colonel Royina Garma mainaig ti pannnakaipatungpal ti reward system bayat ti kontrobersial a kampania ti administrasion na kontra iti illegal a droga.
Segun ti dati a presidente, libre a taraon ken kablaaw laeng ti mait-ited a gunggona kadagiti polis a balligi a makakumpleto iti mission-da, ken operational funds.
Innayon pay ni Duterte a ti inbilin na kenni Garma ket tutokan ti kampanya kontra droga, ngem inyunay-unayna a saanna nga inbilin kadagiti polis a pumatay.
Inaminna nga usto iti inbaga ni Garma mainaig ti panangibilinna a mangala kadagiti Polis a miembro ti Iglesia Ni Cristo para iti drug war ta mamati a mapagtalkan dagiti miembro ti INC.
Kabayatanna, sungbat met ni Bro. Edwil Zabala, spokesperson ti Iglesia ni Cristo mainaig ti nasao a banag, a ti laeng dati a presidente ti makaammo no apay nga isu ti nagbalin a desisyonna.
