--Ads--
VIGAN CITY- Posible a mapasapa ti panagawid dagiti exhibitor iti food and trade fair iti syudad ti Vigan no saan a nasayaat ti kasasaad ti paniempo gapu iti mapatta-patta nga iseserrek ti bagyo mangkhut ditoy pagilian.
Segun kenni Hermie Etrata, Cooperative Officer ti syudad ti Vigan , saan da a kayat nga agpeggad dagiti exhibitors ken no pumigsa ti todo ket marigatan danton a makaawid.
Kabayatanna, saan met a maisubli ti upa dagiti exhibitors a lima a ribo a pisos uray no nasapa a malpas ti trade fair ta sakbay a nangrugi ket nakabayad dan iti treasurer’s office.
