Kinumpirmaran ti National Bureau of Investigation (NBI) a maipada ti fingerprints ni dati a DPWH Undersecretary Maria Catalina Cabral ti rekordda karamanen ti police documentation kas pinasingkedan ni NBI Director Angelito “Lito” Magno.
Segun ken ni Magno, agtultuloy ti imbestigasyon ti NBI iti kaso ni Cabral ket ad-adalken ti ahensya dagiti detalye iti rehiyon ken ti homicide unit ken mayur-uray iti dadduma a resulta.
Plano pay ti NBI a dumalan ti polygraph ti driver ni Cabral a ni Ricardo Hernandez, depende iti rekomendasyon ti nadutokan nga agent.
Innayonna a nakatutok ti imbestigasyon kadagiti flood control projects a mainanaig ken ni Cabral, ken saan nga iti eksakto a napasamak iti pannakatayna.
Maipalagip a nasarakan ni Cabral idi December 18 iti baba ti 16.9 meter ravine bayat a maim-imbestigaran ti mapapati nga anomalia iti DPWH projects.
