--Ads--
Inikkat ti House prosecution panel ni dati a Department of Education (DepEd) special disbursing officer Edward Fajarda kas testigo iti impeachment trial ni Vice President Sara Duterte.
Daytoy ket gapu ta agpapaimbag ni Fajarda manipud iti pannaka-stroke na.
Tumestigo kuma ni Fajarda iti maudi a paset ti Agosto mainaig ti Article I wenno alegasion iti madi a panagaramat ti confidential funds ti DepEd idi secretary na pay laeng ni Duterte.
Nupay kasta, pinasingkedan ti abogado ti dati nga opisial iti Senate impeachment court a kasapulan na pay iti maysa a bulan tapno agpa-imbag.
-- ADVERTISEMENT --
Gapu daytoy, imbabawi ti prosecution ti subpoena ken ni Fajarda ngem naituloy dagiti stipulation wenno dagiti banag a napagtulagan dagiti dua a kampo.
