VIGAN CITY – Nagballaag dagiti anti-war advocate idiay Amerika tapno ballaagan ti intero a lubong iti pangta ti nuclear Armageddon.
Iti naiyuswat a press conference ti Schiller Institute, inbutaktak ni Scott Ritter, dati a US Marine Corps Intelligence Officer nga araramaten laeng ti Amerika ti Pilipinas kontra ti China.
Kunana a ti isyu iti West Ph sea ket araramaten ti gobierno ti Amerika tapno riribuken ti China.
Innayonna a sigurado a ti China ti mangabak ket ti laeng kakaasi ken maabakan ket dagiti Pilipino.
Balakadna iti Philippine Governemnt a saan nga agpaallilaw ta awan ti bibiang ti Amerika iti Pilipinas agsipud ta agingga iti agdama ket tagibassitenda paylaeng dagiti Pilipino , ti lahi a sinakop ken inadipenda iti nabayag a panawen.
