--Ads--
Nakaawiden kadagiti pagtaenganda dagiti agindeg a nagbakwit gapu iti panagalburuto ti Mt. Bulusan, segun iti Department of Social Welfare and Development.
Segun ken ni Assistant Secretary Irene Dumlao ti Disaster Response Management Group ti DSWD, opisial a naisardeng ti operasyon dagiti lima nga evacuation centers a naipatakder para kadagiti naibakwit a pamilia.
Innayon ti DSWD nga agtaltalinaed a naka-high alert-da ken nakasaganada a mangideploy iti nayon a relief supplies no kasapulan.
Naaddaan iti phreatic eruption ti Bulkang Bulusan idi Abril 28 ken 30 a nangitunda iti ashfall kadagiti dadduma nga ili.
-- ADVERTISEMENT --
