Naisayangkat iti simple a selebrasyon ti paskua para kadagiti evacuees a nagbakwit kadagiti evacuation center idiay Canlaon City iti baet ti nagsasaruno nga aktibidad ti Bulkang Kanlaon.
Iti pannaki-uman ti Bombo Radyo Vigan ken ni Edna Lhou Masicampo nga Information Officer idiay Canlaon City, insayangkat iti ahensya iti gobierno babaen ti Department of Social Welfare and Development (DSWD) ken Office of the Civil Defense (OCD) iti simple a panagsasango para kadagiti evacuees tapno rambakan ti paskua.
Segun ken ni Masicampo, adu dagiti maladingitan a nagpaskuada iti evacuation ta saanda a kadua amin a kameng ti pamiliada ngem pagyamananda ta ammoda a natalgedda manipod peggad iti nga ipaay iti bulkan.
Idi kaaldawan iti paskua (December 25, 2024) ket nagiwaras iti DSWD ti financial assistance a P3,000Â iti tunggal pamilia a naibakwit nga adda iti uneg kadagiti evacuation center.
Saan laeng a dayta ta idi kalman, December 26 ket naikkan ti cash assistance ti vulnerable sectors pakairamanan dagiti persons with disability, senior citizen, dagiti masikog a babbai ken single parent nga adda iti uneg kadagiti evacuation center.
VIDEO – EDNA LHOU MASICAMPO
Kabayatanna, impasigurado ni Masicampo nga agtultuloy latta iti tulong a maipaay kadagiti evacuees kagiddan iti panagtalinaedda kadagiti evacuation centers isu a pagyamananna dagiti mangtultulong latta kadakuada para iti natalged a kasasaad dagiti umili nga apektado iti panagbettak iti bulkan.
VIDEO – EDNA LHOU MASICAMPO
