Nasarakan dagiti otoridad dagiti mapapati nga ebidensia a naaramat iti pannakapapatay ti policewoman a ni PSMS Diane Mollenido iti Barangay Kaligayahan, Novaliches, Quezon City.
Dagiti naala nga ebidensia ket pakairamanan ti maysa a unit ti saan pay nabigbig a brand ti caliber 45, tallo a magasin, maysa a pocket gun, ken 55 rounds ti caliber .45 ammunition.
Malaksid dayta ket adda pay naala a maysa a plate number a subject iti Land Transportation Office verification.
Napan dagiti imbestigador iti pagtaengan ti ina ti maysa kadagiti suspek, ti dismissed a pulis a ni Christian Panganiban, kasaruno ti impormasion nga inted ti kabsat ti nasao a suspek gapu iti pannakadiskubre dagiti nasao nga ebidensia a mapapati a naaramat iti pannakapapatay ti nasao a pulis.
