--Ads--
Sinentensiaan ti guilty ti Baguio Regional Trial Court (RTC) Branch 5 dagiti kadete ti Philippine Military Academy para iti kaso a murder ken panaglabsing iti Anti-Hazing Law gapu iti pannakatay ni Darwin Dormitorio idi tawen 2019.
Iti desisyon nga inuar ti Korte, guilty beyond reasonable doubt ken reclusion perpetua iti nagbalin a sentensia kada Shalimar Imperial Jr., ken Felix Lumba Jr.
Agabayadda pay dagiti dua ti sag-tallo a million kas danyos iti pamilya ni Dormitorio.
Malaksid dayta, guilty beyond reasonable doubt met ni Julius Carlo Tadena para iti kaso a hazing.
-- ADVERTISEMENT --
Immunan a sinentensiyaan a guilty ti korte da Tadena, ken Christian Zacarias para iti kaso a slight physical injuries.
