VIGAN CITY – Dua a nagmaheo ti motorsiklo iti nadunor gapu ti panagdinnungparda idiay Barangay Ampuagan, Sta. Maria, Ilocos Sur.
Dagiti karaman ket ti nagmaneho iti nangisit a TMX 155 a ni Mark Angel Dandin Andrada, agtawen iti duapulo, baro, estudyante nga agnaed idiay Barangay Silag, Sta. Maria idinto a ti nagmaneho ti nalabbaga a Euro motorcycle ket ni Christopher Mendoza Magcawas, agtawen iti uppat a pulo ket innem, Security Guard, naasawaan nga agnaed idiay Barangay Ampuagan, Sta. Maria.
Agpapabagatan ti nagmaneho ti TMX idinto nga agpaamianan ti nagmaneho ti Euro idin nadanonda iti nasao a lugar ket linisyan ti driver ti TMX iti saan a napintas a paset ti dalan isu nga immagaw ti linya ket nakadinnungparna ti euro motorcycle.
Gapu dayta ket sugat iti akin-kannawan a tumeng ti sinagaba ti nagmaneho ti Euro idinto a dunor iti akin-kannigid a tangan ti saka ti sinagaba ti nagmaneho ti TMX.
Agpada a naipan dagiti dua iti Ilocos Sur District Hospital – Narvacan babaen kadagiti nagresponde a Municipal Disaster Risk Reduction and Management Office para ti pannakatamingda.
Nupay kasta ket saan pay nga ammo nu mano ti gatad ti nadadael a paset dagiti dua a lugan.
