VIGAN CITY – Maysa a lalaki iti matamtaming iti ospital ta tinagbat ti kainninumanna idiay Brgy. Poblacion, Banayoyo.
Nabigbig ti biktima a ni Baltazar Garnace agtawen uppat a pulo ket tallo, naasawaan empleyado ti STL ken agnaed ti nasao a barangay ken ti suspek a ni Bonnie Gunday agtawen tallopulo ket walo agnaed ti Brgy. Bisangol iti nasao nga ili.
Basar ti report manipod Banayoyo Municipal Police Station, agininom dagiti dua iti pagtaengan ni Teodoro Castaneda agingga adda iti saan a panagkinnawatan dagiti dua maipanggep iti bagyo Florita.
Nagawid ni Garnace a nangala iti bote ti arak nga inaramatna a panangdangran kenni Gunday iso a nadunor iti mugingna.
Innala ni Gunday ti boneng ket tinagbatna iti biktima iti namin dua a daras a nakadunoran ti kannigid a paset ti tyanna.
Boluntaryo a simmuko ti suspek pakairamanan ti boneng a naaramat a 16.9 a pulgada iti kaatiddogna pakairamanan ti apputanna.
