Dua a lugar iti pagilian ti maplamplano a maipasidong iti control ti Commission on Elections.
Segun ken ni COMELEC Chairman George Erwin Garcia, saanna pay a madakamat no ania dagitoy a lugar ta mayur-uray pay laeng ti kompleto a report ti nabukel a security cluster.
Makitaripnong ti COMELEC iti Philippine National Police ken Armed Forces of the Philippines inton bigat tapno pagpatangan ti sitwasyon ti linak ken talna ti pagilian ita nga umadani ti 2025 national and local elections.
Babaen iti daytoy ket maamuan ken madesisyonan no ania pay dagiti lugar a mabalin nga ipasidong iti COMELEC control.
Malaksid iti PNP, AFP, ken Philippine Army, adda dagiti kameng ti COMELEC a mangisaysayangkat iti bukodda nga assessment tapno mabigbig dagiti lugar nga adda kinaranggas a mapaspasamakna ita nga umadani ti eleksion.
