VIGAN CITY – Kaso a statutory rape iti sanguen ti dua a lalaki a nangrames iti maysa a menor de edad iti ili ti Sinait.
Iti pannaki-uman ti Bombo Radyo Vigan ken ni PLt. Joel Idica iti Sinait Municipal Police Station, dagiti suspek ket agtawen ti innem a pulo ket uppat ken agtawen ti duapulo ket uppat nga agkabarangayan ken agkarruba iti nasao nga ili.
Segun ken ni Idica, idi pay laeng Enero ken Marso a napasamak iti panagrames ngem naireport laeng idi Mayo isu a nairuar iti warrant of arrest dagiti dua a suspek.
Naduktalan iti pannakarames ti menor de edad idi adda nangipakaamuanna isu a naireport kadagiti pannakabagi ti linteg.
Kabayatanna, saan nga agpapada iti barangay ti biktima ken dagiti suspek ngem nakadanon ti menor de edad iti barangay dagiti suspek ta isu iti nakaikamangan ti inana ta naipaaywan na idi ngem saanna nga impagarup a naramesen ti anakna.
