Agpada a nadunor dagiti dua a nagmaneho iti motorsiklo iti aksidente iti national highway idiay Barangay Taleb, Bantay, Ilocos Sur.
Ti nagmanaho iti blue/white Honda Wave Dash ket lalaki nga agtawen iti tallopulo ket siam, naasawaan, awanan ti driver’s license nga agnaed idiay Barangay Taleb, Bantay.
Ti nagmaneho met iti Black Yamaha NMax ket lalaki nga agtawen iti tallopulo ket walo, baro, grocery sales agent, holder iti driver’s license nga agnaed idiay Barangay Sacuya, Santa.
Agpada nga agpapadaya a direksyon dagiti dua a lugan ket nagin-innayad ti Honda Wave ta agsikko iti kannigid idin tinukbob iti nakamotorsiklo a sumasaruno kenkuana a gappuanan iti pannakatumbada.
Agpadada a nadundunor iti agdumduma a paset iti bagi isu a naipanda iti Ilocos Sur Provincial Hospital ken Metro Vigan Cooperative Hospital para iti pannakatamingda.
Naammoan nga agpada nga adda impluwensya iti arak dagiti driver idi mapasamak iti aksidente.
