Nadunor dagiti dua a drayber ti motorsiklo gapu iti panagdinungparda iti provincial road idiay Brgy. Bagani Tocgo, Candon City, Ilocos Sur.
Nabigbig ti drayber ti Yamaha Mioi125 a ni Jemar Vasel Maniaog, agtawen iti duapulo ket tallo, awan lisensiana ken residente iti nasao a lugar.
Ti met drayber ti Honda XRM ket ni Airon Ambison Duli, agtawen iti tallo ket innem, naasawaan, maintenance staff ken residente iti Brgy. San Ramon, Sigay.
Agpada nga agpapadaya dagiti dua a motorsiklo idinto a nagsikko a nagpakannigid ti Mio ket pinadas met a lisyan daytoy ti sumarsaruno kenkuana nga XRM ngem napasamak latta ti panagdinnungpar.
Agalen ti drayber ti Mio ti nasakit a bukotna isu a naitaray ti balay pagagasan idinto a ti drayber ti XRM ket nasakit met ti akin-kannawan a sakana ngem saanen a nagpaagas iti ospital.
Nadadael ti sangwanan a paset ti Mio idinto a nadadael met ti foot brake ti XRM nga adda itan iti Candon City Police Station para iti proper disposition.
