VIGAN CITY – Dua a baro a kaso ti Covid19 ti nairekord manen ditoy probinsia ita nga aldaw.
Ni IS-C136 ket maysa nga agtawen iti limapulo ket uppat a lalaki a taga-Brgy. Tamorong, Sta. Catalina, maysa a Returning Overseas Filipino.
Naguyek ti pasyente, adda travel history-na idiay Canada, nai-expose kadagiti high risk area ngem limitado laeng dagiti nakapulapolna.
Awan ti community quarantine strategy a nasurot iti nasao a lugar ta insigida a na-isolate ti pasyente idi makasangpet ditoy probinsia.
Kabayatanna, ni IS-C137 ket maysa nga agtawen iti sangapulo ket dua nga ubing a babai a taga-Brgy. Nagsangalan, Vigan City.
Asymptomatic ti pasyente, awan ti travel history na, nakapulapona ti maysa a kabagyanna a natay ta nakagat iti uleg a mapapati a nai-expose met laeng iti Covid19 patient kabayatan ti pannakatamingna idiay Batac City.
Gapu ti dayta, manipud idi kalman (December 5) agingga inton December 19 ket maidalan iti EECQ dagiti lugar a naibilang a critical zone, MECQ dagiti containment zone ken GCQ dagiti buffer zone.
