VIGAN CITY – Impakaammo ni DSWD Regional Information Officer Darwin Chan a nakaiteddan iti pakabuklan a 1.55 a bilyon a pisos iti intero a Region-1 ta umaboten iti dua gasut walo pulo ket tallo a ribo uppat a gasut tallo pulo ket pito (283,437) iti natulongan a pamilia iti salinong ti social amelioration program.
Segun kenni Chan, adun iti nakaawat iti nasao a tulong pinansial ta sangagasut a porsiento iti probinisa ti nakaala pakairamanan iti ili ti Alilem, Lidlidda, Nagbukel, Quirino, San Emilio, San Esteban, Santa, Sigay, Sugpon, Suyo ken Tagudin .
Ti rapid assessment ket aggapu iti barangay nga isu iti mangipasa iti listaan iti Local Government Unit ngem saan pay a pinal iti dayta ta mai-validate isu a masukatan iti listaan ta kitkitaen laeng a nasayaat dagiti opisial no rumbeng met laeng a makaala iti tulong pinansial dagiti karaman iti listaan wenno saan ket no man bilang a saanda a kwalipikado ket maimbestigaran dagiti kameng ti LGU.
