--Ads--
VIGAN CITY – Inlawlawag ni Department of Social and Welfare and Development Region 1 Regional Information Officer Darwin Chan a ti rumbeng a mabenepisyaran laeng iti social amelioration program ket dagiti napanglaw a pamilia ken saan a ti tunggal indibidwal ti makaawat.
Ingunam-gunam ni Chan a ti masakupan iti Pantawid Pamiliang Pilipino Program ket household ket no adda iti maymaysa a pagtaengan ket kayatna a sawen a ti miembro a nakaawat iti tulong ket kasapulan nga isu iti aggatang iti kasapulan iti pagtaengan.
Kabayatanna, mangisayangkat ti DSWD ken barangay council ti rapid assessment iti tunggal barangay ken ili tapno mabigbig no siasino dagiti kwalipikado iti nasao a programa.
