Impasigurado manen ti Department of Social Welfare and Development (DSWD) a maipangruna ti psychosocial well-being dagiti ubbing ta bigbigenda nga isu ti most vulnerable iti panawen ti didigra.
Segun ken ni Assistant Secretary Irene Dumlao, siguradoen ti DSWD nga adda gundaway dagiti ubbing nga agay-ayam, makapinnulapol dagiti padada ken maibagada iti marikriknada, maipada iti pateg ti panangted kadakuada iti taraon ken kinatalged a pagtalinaedan iti panawen ti didigra.
Innayonna a tunggal evacuation center ket masapul a maikkan ti space a para kadagiti babbai ken ubbing ta isuda iti most vulnerable.
Naaddaan ti inisyatiba ti DSWD Calabarzon field office para iti recreational activities para kadagiti ubbing iti municipal gymnasium idiay Mauban a nagdisenyo nga evacuation centers iti Quezon province.
Kinunana a nakipaset dagiti ubbing iti ay-ayam, art sessions, ken storytelling activities, a nakaaramiden ti natalged ken supportive environment kagiddan ti panagduprak iti bagyo.
