Impatungpalen ti Department of Social Welfare and Development (DSWD) ti Blue Alert Status iti intero a pagilian kasaruno iti panagserrek iti kaunaan a bagyo ita a tawen a ni Ada.
Ti nasao nga addang ti ahensya ket kasaruno ti bilin nga inruar ti National Disaster Risk Reduction and Management Council (NDRRMC).
Gagemda a masigurado ti napaspas ken insigida a panagtignay iti aniaman a posible nga epekto a mabalin nga itunda ti bagyo iti agduduma a lugar iti pagilian.
Iti agdama ket agtultuloy iti nainget a monitoring ken pannakikammayet iti DSWD iti agduduma nga ahensya iti gobierno pakairamanan dagiti lokal a gobierno kadagiti lugar a posible a maapektaran ti bagyo.
Ti nasao a koordinasyon ket gagem a maiyetnag iti panagsagana ken panagtignay kadagiti kasapulan dagiti umili.
