Napalubosan ti Department of Social Welfare and Development (DSWD) nga usaren ti emergency lanes ti North Luzon Expressway (NLEX) tapno mapadaras ti panangipatulod ti relief goods kadagiti lugarnga apektado ti panaglayus iti Central Luzon ken ka-asideg a rehiyon.
Segun ken ni DSWD Assistant Secretary Leo Quintilla ti Resource and Logistics Management, inikkan ti NLEX management ti otoridad dagiti delivery truck ti ahensia a dumalan iti emergencoy lanes tapno saan a maitantan ti panangipatulod ti food packs (FFPs) ken non-food items kadagiti apektado a lokalidad.
Nakatuding nga agipatulod ti DSWD ti 380, 000 a karton ti FFPs iti Central Luzon kas paset ti replenishment ti relief stockpiles dagiti local government unit a nalabes a naapektaran ti saan a nasayaat a paniempo.
Target ti ahensia a makumpleto iti uneg ti lima nga aldaw ti replenishment dagiti warehouse a mang-suplay ti ayuda kadagiti apektado a lugar.
