Personal a napan idiay Banga, South Cotabato ni Department of Social Welfare and Development (DSWD) Secretary Rex Gatchalian ken nangipaay ti tulong kadagiti biktima ti napasamak a pammaltog idiay Banga National High School idi Setyembre 18, 2026.
Segun ken ni Gatchalian, dagus nga imbilin ni Presidente Ferdinand Marcos Jr nga ited ti amin a kasapulan a tulong ken suporta para kadagiti apektado ti insidente.
Binisita pay ti opisial dagiti ospital no sadino agpapaimbag dagiti nadunor, kasta pay dagiti pamilia dagiti natay no sadino impasigurado ti DSWD a baklayen da ti amin a bayadan iti ospital ken mangilatang ti napaot a tulong ken psychological first aid kadagiti napanawan ken naapektaran.
Maipalagip a ti pammaltog ket napasamak iti uneg ti nadakamat a pagadalan a nakatayan dagiti tallo nga indibidwal ken nakadunoran pay iti saan a bumaba iti sangapulo.
