Natay ti nagmaneho iti motorsiklo gapu iti pannakadungparna iti Isuzu elf iti national highway idiay Barangay Bulag, Bantay, Ilocos Sur iti oras ti alas otso kinse idi rabii, May 8, 2025.
Ti nagamaneho iti naabbaga nga Isuzu Elf ket agtawen iti uppat a pulo ket pito, naasawaan nga agnaed idiay Barangay Daclapan, Cabugao idinto a ti nagmaneho ti black Honda Click scooter ket lalaki nga agtawen iti duapulo ket uppat, naasawaan, nagusar iti helmet nga agnaed idiay Barangay Bungro, Magsingal.
Naammoan nga agpapadaya a direksyon ti nakamotorsiklo idinto a ti Isuzu Elf nga aggapu iti bangir a linya ket kellaat nga immagaw iti linya gapu iti panag-overtake na iti lugan ti sangona isu a naipan iti linya iti nakamotor a rason ti pannakadungparna.
Nakaru ti sinagaba a dunor ti nagmaneho iti motorsiklo isu a naipan iti Metro Vigan Hospital ngem naideklatat a natay babaen ti attending physician-na idinto nga awan met iti naan-ano a naglugan iti elf.
